Հայաստանում կոռուպցիայի դեմ պայքարին է անդրադարձել Ритм Евразии կայքը` ընգծելով. «Հայաստանում տնտեսության զգալի հատված դուրս է եկել ստվերից, կոռուպցիայի դեմ պայքարում տարվում են նշանակալի աշխատանքներ»:
Հրապարակման համաձայն՝ դրա հետևանքով մեծացել է միջոցների ներհոսքը դեպի պետական գանձարան: Հեղինակի դիտարկմամբ՝ սա նաև արդյունք է վարչապետ Նիկոլ Փաշինյանի՝ ցանկացած գնման դեպքում ՀԴՄ կտրոն պահանջելու կոչին: Հոդվածագիրը շեշտել է՝ առջևում դեռ շատ աշխատանք կա:
Մատնանշելով, որ Հայաստանի համախառն ներքին արդյունքի աճը այս տարի կազմել է 7,5 տոկոս, հոդվածագիրը շեշտել է, որ սա ամենաբարձր ցուցանիշն է ոչ միայն ԵԱՏՄ երկրների շարքում:
