Աջ ղեկով մեքենա ներկրողները դարձյալ խնդրի առաջ են: Չնայած կառավարությունը վերջերս թույլատրեց աջ ղեկով ավտոմեքենաները բերել Հայաստան և այստեղ ձևափոխել, ապա մաքսազերծել, հունվարից դա կարող է անհնար դառնալ: Մեր երկրի հինգ տարվա արտոնության ժամկետը սպառվել է, և 2020-ից ուժի մեջ է մտնելու ԵԱՏՄ նոր կանոնակարգը՝ իր խիստ պահանջներով: Դրանք վերաբերում են բացառապես հունվարից հետո երկիր ներկրվող մեքենաներին: Մաքսազերծված և շահագործվող ավտոմեքենաների վրա, նույնիսկ եթե դրանք կտեղափոխվեն Ռուսաստան կամ Ղազախստան՝ ԵԱՏՄ նոր կանոնակարգը չի անդրադառնա:
