«Թռչունները նրան սովորեցրել են երգել, իսկ նա թռչուններին՝ ծլվլալ»,- հայ երգի սոխակին այսպես է բնութագրել Ավետիք Իսահակյանը: Այսօր Գոհար Գասպարյանը կդառնար 95 տարեկան: Կոլորատուրային սոպրանոն ամբողջ Խորհրդային Միությունում դարձել էր հայկական երաժշտարվեստի այցեքարտը: Նրան ծափահարել են ժամանակի բոլոր հեղինակավոր կոմպոզիտորներն ու դիրիժորները, իսկ նա մինչև կյանքի վերջը ծառայեց հայկական բեմին ու երեխայի նման սիրեց իրեն շրջապատող ամեն բան:
