ԱՄՆ Ֆլորիդա նահանգի ռազմաօդային ուժերի բազայում հրաձգություն է տեղի ունեցել, ինչի հետևանքով երկու զինվորական է զոհվել, այդ թվում՝ կրակողը, 11-ին էլ տեղափոխել են հիվանդանոց: Գործով հետաքննություն է սկսվել, նախագահ Թրամփին տեղեկացրել են միջադեպի մասին:
Մեկ այլ տեղեկության համաձայն՝ ԱՄՆ նախագահը հայտարարել է, թե մտադիր չէ 12 հազար զինվորական ուղարկել Սաուդյան Արաբիա: Նրանք, ըստ տեղեկությունների, պետք է դիմակայեին Իրանին: ԱՄՆ պաշտպանության փոխնախարարը նաև հաստատել է, որ համակազմի ընդլայնման հարցը քննարկվում է, թեև չի նշել, թե Միացյալ Նահանգները որ երկիր է մտադիր զորքեր ուղարկել:
