Փարիզում դեկտեմբերի 9-ին տեղի կունենա նորմանդական քառյակի հանդիպումը Ուկրաինայում Դոնբասի իրադրության հարցով: Ուկրաինական կողմը չնայած հավատում է բանակցությունների հաջողությանը, բայց նաև զգուշավոր է և պատրաստում է «Պլան B», եթե Ռուսաստանի հետ խաղաղ բանակցությունները ձախողվեն և հնարավոր չլինի հասնել հրադադարի ու գերիների փոխանակման վերաբերյալ պայմանավորվածությունների կատարմանը:
«Պլան B»-ն նշանակում է պատ կառուցել Դոնբասի հետ սահմանին՝ Իսրայելում Անվտանգության պատի օրինակով: Ռուսաստանը նշել է, որ նման սցենարը, ի վերջո, կարող է հանգեցնել Դոնբասի վերջնական տարանջատմանը Ուկրաինայից:
