Լիոնում մեկնարկել է «Հրաշք և երազանքներ» կոչվող լույսերի հայտնի փառատոնը, ինչն ազդարարում է Սուրբծննդյան տոնակատարությունների սկիզբը: Առաջիկա չորս օրերի ընթացքում ֆրանսիական քաղաքի հանրային հուշարձանները, արձանները երեկոյան ժամերին կլուսավորվեն, իսկ փողոցները կլցվեն արվեստի գեղեցիկ ու լուսավոր ինստալացիաներով, որոնց թիվը կհասնի մոտ 40-ի:
Լույսերի փառատոնի ավանդույթը ձևավորվել է 1852 թվականի դեկտեմբերի 8-ից, երբ քաղաքի բնակիչները վառվող մոմեր են տեղադրել գունավոր ապակե տարաների մեջ, որոնք տեղադրել են իրենց տների պատուհանագոգերին:
