Հատուկ քննչական ծառայությունից չեն մանրամասնում՝ արդյոք հնարավո՞ր է, որ Սերժ Սարգսյանը կրկին հրավիրվի հարցաքննության: Հայաստանի երրորդ նախագահին, հիշեցնենք, մեղադրանք է առաջադրվել մոտ կես միլիարդ դրամ գումարի հափշտակություն կազմակերպելու համար: Սերժ Սարգսյանի գրասենյակից մեկնաբանություն ստանալ մեզ չհաջողվեց: Իսկ «Ֆլեշ» ընկերության նախագահ Բարսեղ Բեգլարյանը «Լուրերի» հետ զրույցում նշել է, որ բացառում է, թե Սերժ Սարգսյանն ունեցել է անձնական շահագրգռություն՝ որպես դիզվառելիքի մատակարար իր ընկերությունն ընտրելու համար: Նրա խոսքով՝ օրենք չի խախտվել, մրցույթ չի հայտարարվել: Բարսեղ Բեգլարյանը հրավիրվել է հարցաքննության:
