ԱԺ-կառավարություն հարցուպատասխանի ժամանակ «Լուսավոր Հայաստան» խմբակցության պատգամավոր Մանե Թանդիլյանը հետաքրքրվեց, թե ինչպես են պետական որոշ մարմիններ պետբյուջեի միջոցները փոխանցել «Հայաստան» համահայկական հիմնադրամին: Դա կառավարության որոշո՞ւմն է, թե՞ տվյալ գերատեսչության PR ակցիան՝ հարցրեց նա: Պատգամավորը կասկած հայտնեց, որ համահայկական հիմնադրամին ոստիկանության փոխանցած 19 միլիոն 500 հազար դրամը աշխատակիցներն են հավաքել: Ի պատասխան՝ վարչապետն ասաց, որ որևէ մեկին այդպիսի հրահանգ չի եղել:
