Ղազախստանում ուղևորատար ավտոբուս է շրջվել. պատճառը մերկասառույցն է եղել: Ավտոբուսում 50 ուղևոր է եղել, նախնական տվյալներով` 4 զոհ կա: Ղազախական լրատվամիջոցները հայտնում են, որ միջադեպը տեղի է ունեցել այսօր լուսադեմին:
Նշվում է, որ վարորդը կորցրել է ղեկի կառավարումը մերկասառույցի պատճառով, ինչի հետևանքով էլ տրանսպորտային միջոցը շրջվել է:
Տեղում փրկարարական աշխատանքները շարունակվում են. ոստիկանությունը նույնպես դեպքի վայրում է: Զոհերի թիվը կարող է աճել:
