Թեհրանը շարունակում է վաճառել իր նավթը՝ չնայած Իրանի նկատմամբ ԱՄՆ սահմանած պատժամիջոցներին: Այս մասին հայտնել է երկրի փոխնախագահ Էշաք Ջահանգիրը՝ շեշտելով, որ Վաշինգտոնի «առավելագույն ճնշումը» Թեհրանի նկատմամբ ձախողվել է:
«Չնայած Ամերիկայի ճնշումներին՝ մեր նավթի արտահանման նկատմամբ կիրառվող պատժամիջոցներին, մենք շարունակում ենք վաճառել մեր նավթը` օգտագործելով այլ միջոցներ... Նույնիսկ երբ բարեկամ երկրները, վախենալով Ամերիկայի տույժերից, դադարեցին գնել մեր նավթը»,- ասել է բարձրաստիճան պաշտոնյան:
