Բրազիլիայի նախագահը հոլիվուդյան դերասան Լեոնարդո Դի Կապրիոյին մեղադրում է Ամազոնի անտառները հրդեհելու համար: Երկրի ղեկավարը պնդում է, որ բնապահպան ակտիվիստը ֆինանսական ներդրում է ունեցել Ամազոնի ջունգլիների հրդեհը կազմակերպելու գործում:
Ամազոնի կանաչապատ տարածքները փրկելու համար հինգ միլիոն դոլար խոստացած Դի Կապրիոն հերքել է մեղադրանքները: Հոլիվուդյան դերասանը, որի գլխավորած կազմակերպությունը զբաղվում է վայրի բնության պաշտպանությամբ, ավելի վաղ հայտարարել էր, որ բնապահպանական աղետները, ինչպես նաև՝ Ամազոնի անտառների հրդեհը կլիմայի փոփոխության հետևանք են:
