Ֆրանսիայում կյանքն ավելի էժան է, Շվեյցարիայում աշխատավարձերն ավելի քիչ են հարկվում: Ֆրանսիացիներն առավոտյան գալիս են Ժնև աշխատելու, իսկ երեկոյան տուն են վերադառնում: Աշխատողների և ընդհանրապես, երկու երկրների միջև տեղաշարժն ավելի դյուրին ու արագ դարձնելու համար սկսվել է այսպես կոչված «թեթև մետրոյի» նախագիծը, որը կմիացնի ֆրանսիական և շվեյցարական մի քանի քաղաքներ: Երկու շաբաթից կշահագործվի մետրոյի գիծը, որի երկարությունը 250 կիլոմետր է և այն հասանելի կլինի 50 հազար մարդու:
