Իրաքի իշխանությունները խստորեն քննադատել են երկրում Իրանի հյուպատոսության դեմ իրականացված հարձակումը: Հակակառավարական ցուցարարները ներխուժել են հյուպատոսության շենք ու հրկիզել այն: Իրանի դիվանագիտական առաքելության աշխատակիցները չեն տուժել: Հարձակումից առաջ նրանք տարհանվել են: Իրավապահ մարմինները հրազեն են կիրառել ակտիվիստներին ցրելու համար: Ոստիկանների ու ցուցարարների միջև բախումների ժամանակ 8 մարդ զոհվել է, ևս 35-ը՝ վիրավորվել: Ակտիվիստները կառույցի վրա ծածանվող Իրանի պետական դրոշը փոխարինել են Իրաքի դրոշով:
