Այսօր «Իմեդի» հեռուստաընկերության «SWOT անալիզ» հաղորդման հյուրը կլինի «Վրացական երազանք» կուսակցության նախագահ, Վրաստանի նախկին վարչապետ Բիձինա Իվանիշվիլին: Հարցազրույցը կհեռարձակվի երեկոյան՝ Երևանի ժամանակով ժամը 22:00-ին:
Ենթադրում են, որ Իվանիշվիլին կխոսի վերջին օրերին Վրաստանում տեղի ունեցող իրադարձությունների մասին: Ընդդիմությունը հենց նրան է մեղադրում խորհրդարանում իշխող կուսակցության կողմից համամասնական ընտրակարգի օրինագծի տապալման համար:
