Լյուքսեմբուրգի Սուրբ Ծննդյան տոնավաճառում սառցե քանդակի կտորն ընկել է մեկ տարեկան երեխայի վրա: Փոքրիկը մահացել է հիվանդանոցի ճանապարհին: Ոստիկանները ողբերգության ընթացքը վերականգնելու համար սոցկայքերի միջոցով դիմել են միջադեպի հնարավոր վկաների օգնությանը:
EADaily-ն հիշեցնում է, որ երեկ էլ ողբերգություն է եղել Բեռլինի Սուրբ Ծննդյան տոնավաճառում: Այստեղ տղամարդը մահացել է ամերիկյան բլուրների վագոնի անիվների տակ: Ըստ մի վարկածի՝ մարդն ինքնասպանություն է գործել: Ի հետևանք՝ Սուրբ Ծննդյան շուկան փակվել է ժամանակից շուտ:
