ՌԴ բարձրագույն կրթության և գիտության նախարար Միխայիլ Կոտյուկովի հրավերով ԿԳՄՍ նախարար Արայիկ Հարությունյանը Մոսկվայում մասնակցել է Շանհայի համագործակցության կազմակերպության անդամ պետությունների գիտության և տեխնիկայի ոլորտի նախարարությունների և գերատեսչությունների ղեկավարների 5-րդ խորհրդակցությանը, որում հանդես է եկել ելույթով: Հայաստանն այս կազմակերպությունում ունի երկխոսության գործընկերոջ կարգավիճակ: Միջոցառման մասնակիցները քննարկել են գիտատեխնիկական ոլորտում գործնական գործակցության հեռանկարները:
