Սիրիան կրկին ենթարկվել է թուրքական ու իսրայելական անօդաչու թռչող սարքերի հարձակման: Գրոհներն իրականացվել են արաբական երկրի հյուսիսային Ռաքքա շրջանում, որի հետևանքով մահացել է 5 մարդ, նրանց թվում՝ երեխաներ: Այս մասին տեղեկացնում է ՍԱՆԱ գործակալությունը: Զոհերը գտնվել են ավտոմեքենայի մեջ, որի ուղղությամբ էլ արձակվել էր հրթիռը: Բացի այդ՝ տեղեկություններ են հաղորդվել, որ անօդաչու թռչող սարքերի հարձակումներին են ենթարկվել նաև Սիրիայի մյուս շրջանները: Կան տուժածներ ու ավերածություններ:
Հիշեցնենք, որ նախօրեին իսրայելական օդուժը հրթիռակոծել էր արաբական երկրի հարավարևմտյան շրջանները: Հաղորդվում է 11 զոհի մասին:
