ԱՄՆ Ջորջիա նահանգի Ատլանտա քաղաքում կայացել է ԱՄՆ Դեմոկրատական կուսակցության նախագահի թեկնածուների հինգերորդ հեռուստաբանավեճը: Ժամեր շարունակվող թեժ դեբատների ժամանակ նախագահի 10 թեկնածուները ջանք չեն խնայել ամերիկացի ընտրողներին իրենց կողմը գրավելու համար:
Հեռուստաբանավեճի ընթացքում անդրադարձ է եղել ԱՄՆ նախագահի իմփիչմենթի գործընթացին: Դեբատների մասնակից՝ սենատոր Բեռնի Սանդերսն ԱՄՆ նախագահ Թրամփին անվանեց պաթոլոգիական ստախոս և երկրի ժամանակակից պատմության մեջ եղած ամենակոռումպացված ղեկավարը:
