Պորտուգալացի մասնագետ Ժոզե Մոուրինյուն պաշտոնապես նշանակվել է «Տոտենհեմի» գլխավոր մարզչի պաշտոնում: Այս մասին հայտնում է լոնդոնյան ակումբի պաշտոնական կայքը:
Նախօրեին «Տոտենհեմի» գլխավոր մարզչի պաշտոնից հեռացվել էր Մաուրիսիո Պոչետինոն, որը 2014 թ.-ից էր գլխավորում լոնդոնյան ակումբը: Անմիջապես հայտնի է դարձել, որ Մոուրինյուն կփոխարինի արգենտինացուն:
Պորտուգալացի մարզչի վերջին աշխատավայրը «Մանչեսթեր Յունայթեդն» էր: Մոուրինյուն անգլիական ակումբից հեռացվել էր 2018 թ. դեկտեմբերին: Ավելի վաղ նա երկու անգամ աշխատել է «Չելսիում», որի հետ 3 անգամ նվաճել էր Անգլիայի չեմպիոնությունը (2005, 2006, 2015):
«Տոտենհեմը» ԱՊԼ-ում այժմ 14-րդ հորիզոնականում է:
