ՀՀ արտաքին գործերի նախարարությունը ոչ հերքում, ոչ հաստատում է հայ լրագրողների՝ Բաքու այցի մասին տեղեկությունը: 1lurer.am-ի հարցին ի պատասխան՝ ԱԳՆ խոսնակ Աննա Նաղդալյանն այլ մանրամասներ չհայտնեց:
Նշենք, որ Ռիգայում կայացած «Արևելյան գործընկերության մեդիա համաժողով 2019»-ի ժամանակ ադրբեջանական որոշ լրատվամիջոցներին հայտնի էր դարձել, որ փոխադարձ վստահության ձևավորման գործընթացի շրջանակում, նոյեմբերի 17-ին, Բաքու կժամանի հայ լրագրողների խումբ: Ըստ տեղեկությունների՝ հայ լրագրողները կայցելեն որոշ պետական կառույցներ և կհանդիպեն փորձագետների հետ:Սպասվում է, որ հայ լրագրողների այցին կհաջորդի ադրբեջանցի լրագրողների այցը Հայաստան:
