Անգլիայի հյուսիսում հորդառատ անձրևներից առաջացած ջրհեղեղները ստիպել են մարդկանց լքել իրենց տները՝ քաոս առաջացնելով ճանապարհներին և գնացքներում: Դոնկաստորում կյանքին վտանգ ներկայացնող նախազգուշացումներ են արվել, տասնյակ մարդիկ քնել են աթոռների և նստարանների վրա Շեֆիլդի առևտրի կենտրոնում:
Յորքշիրի մեծ մասում երկաթգծերը ծածկվել են ջրով, դադարեցվել է գնացքների երթևեկությունը, փակվել են գլխավոր մայրուղիները: Ավելի քան 100 ջրհեղեղի նախազգուշացում է արվել ամբողջ Անգլիայում:
