Մեծ Բրիտանիան և Բելգիան որոշել են չընդունել «Իսլամական պետություն» ահաբեկչական խմբավորումում ծառայած իրենց քաղաքացիներին և առաջարկել են իսլամիստներին դատել այն երկրներում, որտեղ նրանք հանցագործություն են կատարել՝ Սիրիայում և Իրաքում: Այս հայտարարությունն արվել է Թուրքիայի ներքին գործերի նախարարի սպառնալիքից հետո: Սուլեյման Սոյլուն հայտարարել էր, որ Անկարան մտադիր է Սիրիայի հյուսիսում իրականացված ռազմական գործողության ընթացքում գերեվարված ԻՊ-ի անդամներին ուղարկել իրենց երկրներ:
