Մայր Աթոռ Սուրբ Էջմիածնի տեղեկատվական համակարգի տնօրեն Վահրամ քահանա Մելիքյանը տեղեկացրել է, որ Արևելքի Ասորի Եկեղեցին պաշտոնապես ճանաչել է Հայոց ցեղասպանությունը:
Ամենայն Հայոց Կաթողիկոսի հետ հանդիպմանը Արևելքի Ասորի Եկեղեցու Սինոդի քարտուղար, եպիսկոպոս Մար Ավա Ռոյելը Վեհափառ Հայրապետին է փոխանցել Եկեղեցու գրությունը, որով Կաթողիկոս-Պատրիարքի և Եկեղեցու Սուրբ Սինոդի անունից պաշտոնապես տեղեկացվում է, որ Էրբիլում, մայիսի 13-ից 19-ը, Նորին Սրբության նախագահությամբ տեղի ունեցած Սինոդի ժողովի ժամանակ Արևելքի Ասորի Եկեղեցին պաշտոնապես ճանաչել է Հայոց ցեղասպանությունը: