Չորեքշաբթի Լիբանանի որոշ խոշոր մայրուղիներ վերաբացվեցին, երբ բանակը կոչ արեց ցուցարարներին վերացնել ճանապարհային արգելափակումները, որոնք ստեղծվել էին 13 օր շարունակվող ցույցերի ընթացքում: Բողոքի ակցիաները կաթվածահար արեցին երկիրը և ստիպեցին վարչապետին հրաժարական տալ: Լիբանանի նախագահը նախարարների կաբինետին խնդրել է շարունակել պարտականությունների կատարումը մինչև նոր կառավարության ձևավորումը: Մայրաքաղաքի կենտրոնի Օղակաձև կամուրջը հնարավոր եղավ բացել ցուցարարների հետ բանակցություններից հետո, որոնք չէին ցանկանում հեռանալ, ասելով, որ պահանջում են բոլոր ղեկավարների հրաժարականը:
