Ադրբեջանի իշխանությունը մեղադրել է Բաքվում ԵՄ դեսպան Կեստուտիս Յանկաուսկասին: Պատճառը՝ դեսպանի հանդիպումն է անկարգությունների կազմակերպիչ, ծայրահեղական «Ժողովրդական ճակատ» կուսակցության առաջնորդ Ալի Քերիմլիի հետ:
Քերիմլին հայտնել է, թե Յանկաուսկասը լիակատար համերաշխություն է հայտնել, իշխանությունների բնորոշմամբ՝ քաղաքական ծայրահեղականների գործողություններին, որոնք փորձում են խարխլել համակարգային կայունությունն ու մասշտաբային անկարգություններ առաջացնել Ադրբեջանի մայրաքաղաքում: Ըստ Բաքվի, Քերիմլի-Յանկաուսկաս հանդիպումը վկայում է, որ ԵՄ դեսպանը «փողոցային պայքարի սցենար» է պատրաստում Ադրբեջանի համար:
