Վենետիկի հանձնաժողովի նախագահ Ջիանի Բուքիքիոն հայտարարել է, որ արդեն մի քանի ամիս՝ հետևում է կառավարության և Սահմանադրական դատարանի միջև ստեղծված դրությանը:
«Վերջին իրադարձությունների հաջորդականությունը չի նպաստում խնդիրների հստակ կարգավորմանը: Ժողովրդավարական երկրում խորհրդարանը վայելում է բարձրագույն լեգիտիմություն: Սահմանադրական դատարանը սահմանադրական արժեքների երաշխավոր կառույց է: Ժողովրդավարական երկրում բոլոր պետական ինստիտուտները պետք է հարգեն իրենց և մյուսների պատավորությունները: Եթե դա չի արվում, եթե կա ժողովրդավարական հասունության և մշակույթի պակաս, ապա վտանգված է ժողովրդավարական, քաղաքացիական և հասարակական առաջընթացը: Ես բոլոր կողմերին հորդորում եմ գործակցել փոխադարձ հարգանքի և կառուցողական մոտեցման պայմաններում՝ այս անհանգստացնող իրավիճակը չսրելու և Հայաստանի սահմանադրության նորմալ գործարկումը վերականգնելու համար»,- նշել է հանձնաժողովի նախագահը:
