Հոկտեմբերի 29-ը ինսուլտի դեմ պայքարի համաշխարհային օրն է: Հաշվի առնելով, որ կաթվածն առաջինն է հաշմանդամության և երկրորդը՝ մահերի դեպքերում, «Էրեբունի» բժշկական կնետրոնը կազմակերպել է իրազեկման ակցիա: Հյուսիսային պողոտա-Աբովյան փողոցի խաչմերուկում, առավոտից մինչև ժամը 17-ը, «Էրեբունիի» Կաթվածի թիմը քաղաքացիներին առաջարկել է տարբեր հետազոտություններ: Բաժանել են նաև իրազեկող բուկլետներ, խորհուրդներ տվել կաթվածի ռիսկի գործոնի, նաև՝ դրանց նվազեցման մասին:
