ԱՄՆ նախագահ Դոնալդ Թրամփն իր ֆեյսբուքյան էջում անդրադարձել է «ԴԱԻՇ»-ի պարագլուխ Աբու Բաքր ալ-Բաղդադի ոչնչացմանն ու այդ գործում մեծ մասնակցություն ունեցող շանը:
«Մենք գաղտնազերծել ենք այն հրաշալի շան նկարը (անունը չի գաղտնազերծվել), որը մասնակցել է «ԴԱԻՇ» ահաբեկչական խմբավորման առաջնորդ Աբու Բաքր ալ-Բաղդադիի ոչնչացման մեծ գործին»,- գրել է Թրամփը:
Հիշեցնենք, որ նախօրեին հայտարարվել էր «ԴԱԻՇ» ահաբեկչական խմբավորման պարագլուխ Աբու Բաքր ալ-Բաղդադիի հայտնաբերման ու վնասազերծման մասին: Ահաբեկիչը հայտնաբերվել էր նրա գլխավոր օգնականներից մեկի շնորհիվ, ում ամերիկացիները ձերբակալել էին 2008-ին:
