Միջազգային օլիմպիական կոմիտեն (ՄՕԿ) ներկայացրել է 2024 թվականին Փարիզում կայանալիք 33-րդ ամառային Օլիմպիական խաղերի պաշտոնական տարբերանշանը։
Հետաքրքրական է, որ տարբերանշանն առանց Էյֆելյան աշտարակի է:
Փարիզն Օլիմպիական խաղերը հյուրընկալելու իրավունք ստացել էր ՄՕԿ-ի՝ 2017-ի սեպտեմբերի 13-ի որոշմամբ ու առանց պայքարի: Մյուս հավակնորդ Լոս Անջելեսը համաձայնել էր ընդունել 2028 թ. Օլիմպիական խաղերը։
Օլիմպիական խաղերը Ֆրանսիայի մայրաքաղաքում կանցկացվեն 2024 թվականի հուլիսի 26-ից օգոստոսի 11-ը։
