ԱՄՆ նախագահ Դոնալդ Թրամփը խիստ անհրաժեշտության դեպքում պատրաստ է ռազմական գործողություններ սկսել Թուրքիայի դեմ: Սակայն Վաշինգտոնը նախընտրում է խաղաղությունը: Այս մասին հայտնել է ԱՄՆ պետքարտուղար Մայք Պոմպեոն՝ CNBC հեռուստաալիքին տված հարցազրույցում: Պոմպեոն հրաժարվել է մանրամասնել, թե ռազմական գործողություններ սկսելու համար ինչ քայլեր կհրահրեն ԱՄՆ-ին: ԱՄՆ պետքարտուղարը նույնիսկ չի թաքցրել, որ անհրաժեշտ արդյունքի հասնելու համար Միացյալ Նահանգները կկիրառի թե՛ դիվանագիտական, թե՛ տնտեսական պատժամիջոցներ:
