Ֆուտբոլի Իսպանիայի առաջնության 9-րդ տուրում Մադրիդի «Ռեալն» արտագնա խաղում մրցեց այս մրցաշրջանում Լա Լիգա վերադարձած «Մալյորկայի» հետ: Զինեդին Զիդանի գլխավորած թիմն անակնկալ պարտություն կրեց:
«Մալյորկայի» հաղթական գոլը խաղի 7-րդ րոպեին խփեց Կոտ դ՛Իվուարը ներկայացնող հարձակվող Ժունիոր Լագոն:
«Ռեալն» այժմ 18 միավորով երկրորդն է մրցաշարային աղյուսակում: Առաջատարը կատալոնական «Բարսելոնան» է՝ 19 միավորով:
