Մեկ օրվա ընթացքում Սիրիա է վերադարձել մոտ հազար փախստական: Ավելի քան 400 սիրիացի փախստական հայրենիք է վերադարձել Լիբանանից, ևս 600-ը՝ Հորդանանից: Այս մասին տեղեկությունը հրապարակվել է ՌԴ ՊՆ կայքում: Նույն աղբյուրը նշում է, որ Սիրիայի զինված ուժերի ինժեներական ստորաբաժանումները շարունակում են ականազերծման աշխատանքները բնակավայրերում: Մեկ օրվա ընթացքում մասնագետներն ականազերծել են 2.9 հա տարածք, հայտնաբերվել ու ոչնչացվել են 29 պայթյունավտանգ առարկա:
