Լոս Անջելեսում ամերիկահայ գրող Վիլյամ Սարոյանի հրապարակում կհայտնվի մեծ գրողի հուշատախտակը:
Որոշումը ընդունվել էր հոկտեմբերի սկզբին Լոս Անջելեսի քաղաքային խորհրդի կողմից:
Լոս Անջելեսի քաղաքային խորհրդի ղեկավար Մոնիկա Ռոդրիգեսը հայտարարել է, որ այն խաչմերուկը, որտեղ տեղադրվելու է հուշատախտակը, նշանավոր է նաև նրանով, որ այդտեղ անցկացվել են Հայաստանին նվիրված մշակույթի օրեր:
Հուշատախտակի բացման հանդիսավոր արարողությունը տեղի է ունենալու վաղը՝ հայկական Sunland-Tujunga ամենամյա փառատոնի նշման օրը:
