Ազգային ժողովում քիչ առաջ մեկնարկեց 2016 թվականի ապրիլյան պատերազմի հանգամանքներն ուսումնասիրող քննիչ հանձնաժողովի նիստը։ Ինչպես ավելի վաղ տեղեկացրել էր ԱԺ Պաշտպանության և անվտանգության հարցերի մշտական հանձնաժողովի նախագահ Անդրանիկ Քոչարյանը՝ հանձնաժողովի նիստին ներկայացավ ՀՀ Զինված ուժերի գլխավոր հետախուզական վարչության նախկին պետ, գեներալ- մայոր Արշակ Կարապետյանը, որն այժմ վարչապետ Նիկոլ Փաշինյանի խորհրդականն է։ Մինչ նիստի մեկնարկը՝ լրագրողները հարցեր ուղղեցին Արշակ Կարապետյանին, որը, սակայն, հրաժարվեց բովանդակային որևէ պատասխան տալ՝ հորդորելով բոլոր հարցերն ուղղել հանձնաժողովի անդամներին։
