Մանբիջ քաղաքն ու մի շարք այլ բնակավայրեր գրավելուց հետո սիրիական բանակը մտել է Ռաքքա, որի նկատմամբ հսկողությունը կորցրել էր 5 տարի առաջ: Քաղաքը իսլամիստ գրոհայիններից ազատագրել էին ԱՄՆ գլխավորած կոալիցիան և արաբա-քրդական «Սիրիական ժողովրդավական ուժերը»: Մանբիջի համար մարտերում թուրքական կողմը երկու զինծառայող է կորցրել, ինչի համար նախագահ Էրդողանը մեղադրել է սիրիական կառավարական ուժերին: «Մենք ուժեղ պատասխան կրակ բացեցինք և ստիպեցինք, որ վճարեն դրա համար»,- հայտարարել է Էրդողանը: Թուրքիան ևս 17 զինծառայող է կորցրել Ռաս ալ Այն քաղաքի համար սիրիացի քրդերի հետ դիմակայության ժամանակ:
