Թուրքիայի նախագահ Էրդողանը համաձայնել է հանդիպել ԱՄՆ փոխնախագահ Փենսի հետ, որն այսօր պետքարտուղար Պոմպեոյի հետ ժամանելու է Անկարա: Մինչև Թուրքիա մեկնելը Մայք Պոմպեոն հայտարարել է, որ Թուրքիայի նախագահը պետք է դադարեցնի ներխուժումը Սիրիա։ Նա նշել է, որ ամերիկյան պատվիրակության այցի նպատակը ոչ թե Թուրքիայի հետ հարաբերությունները խզելն է, այլ Սիրիայի իրավիճակից դուրս գալու ելք փնտրելը: Թուրքիայի նախագահը հայտարարել է. «Մեր նպատակը պարզ է: Իշխանությունը վճռական է երկրի սահմանների մոտ ահաբեկչական միջանցքը վերացնելու հարցում: Պատժամիջոցները մեզ չեն անհանգստացնում»:
