ՍԱՏՄ տեսուչները վերահսկողական գործողություններ են սկսել Արտաշատի թիվ 5 դպրոցի ճաշարանում և պարզել, որ երեխաները կերել են «Անահիտ Վարդանյան» Ա/Ձ-ի կողմից մատակարարված նրբերշիկով պիցցա: Դպրոցում առկա պիցցայից վերցվել են նմուշներ, որոնք տրվել են լաբորատոր փորձաքննության: Թեև մատակարարի մոտ պիցցայի նմուշներ չեն հայտնաբերվել, այդուհանդերձ վերահսկողական միջոցառումներ են իրականացվում նաև մատակարարի գործունեության վայրում: Մեր թղթակիցը հայտնեց, որ դեպքի վայրում աշխատում են քննիչները, երեխաների վիճակը գնահատվում է թեթև ծանրության, մի քանի ժամից բոլորը հիվանդանոցից դուրս կգրվեն: Պարզվում է տուժածների ամբողջական շրջանակը: Քննչական կոմիտեից 1lurer.am -ին հայտնեցին, որ միջոցներ են ձեռնարկվում՝ դեպքի հանգամանքների օբյեկտիվ, լրիվ և բազմակողմանի քննությունն ապահովելու ուղղությամբ:
