Հայաստանում ղազախական հեռուստաալիք կհայտնվի՝ Kazakh TV-ն:
Хабар գործակալության (Kazakh TV-ն այս գործակալության մեջ է մտնում) կառավարման խորհրդի նախագահ Երլան Բեկխոժինը հայտնել է, որ իրենց գործակալությունը մտադիր է հայաստանյան շուկա մուտք գործել կաբելային և արբանյակային ցանցի միջոցով: Բեկխոժինը տեղեկացրել է, որ այդ հարցի առնչությամբ արդեն պայմանավորվածություն կա հայկական կողմի հետ:
Kazakh TV-ի տնօրեն Մայա Բեկբաևան նշել է, որ այսօր Ղազախստանում հայկական մեծ սփյուռք կա, շատ են նաև այն հայերը, որոնք հայրենիք են վերադարձել Ղազախստանից:
Ղազախական այս ալիքը հեռարձակվում է աշխարհի 118 երկրում՝ 5 լեզվով: Այն նախատեսված է հիմնականում այն արտաքին լսարանի համար, որը հետաքրքրված է Ղազախստանի պատմությամբ, մշակույթով և բնությամբ:
