Տեղի է ունենում այն, ինչից զգուշացնում էին սիրիացի քրդերը: «Իսլամական պետության» մոտ 900 ձերբակալված զինյալ է փախել Սիրիայի հյուսիս-արևելքում գտնվող ճամբարի այն հատվածից, որտեղ հիմնականում օտարերկրյա քաղաքացիներ են մնում:
Ճամբարի բարձրաստիճան պաշտոնյաներից մեկը հայտնել է, որ մի քանիսին հաջողվել է բռնել, սակայն, նրա բնորոշմամբ, իրադրությունը շատ անկայուն է: Ըստ տեղական իշխանությունների, պատճառը քրդերի կողմից վերահսկվող շրջանում Թուրքիայի ռազմական գործողությունն է: Նախագահ Էրդողանը բանտից զինյալների փախուստի մասին պնդումները համարել է «ապատեղեկատվություն», Միացյալ Նահանգների և արևմտյան երկրների սադրանք:
