System of a Down ռոք խումբը 2020 թ. հունիսին համերգ կունենա Հայաստանում: «Մենք այժմ համերգային շրջագայության ենք պատրաստվում Եվրոպայում: Հաջորդ տարվա հունիսին նախատեսում ենք գալ Հայաստան»,- ասաց խմբի մենակատար Սերժ Թանկյանը:
Աշխարհահռչակ System of a down ռոք խումբը Երևանի Հանրապետության հրապարակում համերգով հանդես է եկել 2015 թ. ապրիլի 23-ին՝ Հայոց ցեղասպանության իրազեկմանը նվիրված «Արթնացրեք հոգիները» (Wake Up the Souls) խորագրով: Համերգի ընթացքում խումբը կատարել է յուրահատուկ ստեղծագործություններ:
