Երևանում կբացվի հայ նշանավոր հասարակական գործիչ, գրող և հրապարակախոս, հայկական հարցի մասին մի շարք գրքերի հեղինակ, Ճապոնիայում Հայաստանի առաջին Հանրապետության պատվավոր հյուպատոս, աշխարհում առաջին կին դեսպան, բարեգործ Դիանա Աբգարի անվան զբոսայգի:
Դիանա Աբգարը ծնվել է 1859 թվականի հոկտեմբերի 12-ին: Նշանավոր հայ քաղաքական գործչի 160֊ամյակը կնշվի այս տարի։ Այդ առիթով ավագանին որոշում է ընդունել Երևան քաղաքի Կենտրոն համայնքի Գլխավոր պողոտայի՝ Սարյանի, Բուզանդի Կարեն Դեմիրչյանի փողոցների և Մաշտոցի պողոտայի միջանկյալ հատվածի զբոսայգին անվանակոչել դիվանագետի անունով:
