Իրաքի տարբեր բնակավայրերում բողոքի ցույցերի ժամանակ զոհերի թվի աճի պատճառով երկրի իշխանությունը չեղարկել է Բաղդադում սահմանված պարետային ժամի ռեժիմը: Համազգային բողոքի ակցիաների ժամանակ արդեն իսկ մահացել է մոտ 100 մարդ: Կան հարյուրավոր վիրավորներ: Իրաքում ստեղծված անկառավարելի իրավիճակը կարգավորելու համար իրավապահները, բացի արցունքաբեր գազից ու ջրաշիթերից, նաև հրազեն են օգտագործել: Փողոց դուրս ելած ցուցարարները բողոքում են երկրում արմատացած կոռուպցիայի, համատարած գործազրկության ու հանրային ծառայությունների վատ որակի դեմ: Ակտիվիստների գործողությունները պաշտպանող երկրի շիա գլխավոր հոգևոր առաջնորդը իշխանություններին կոչ է արել հրաժարական տալ ու նոր ընտրություններ անցկացնել:
