Ազգային ժողովն առաջին ընթերցմամբ ընդունել է խմբակցությունների փորձագետների թիվն ավելացնելու վերաբերյալ օրենքի նախագիծը՝ 81 կողմ, 4 դեմ և 23 ձեռնպահ ձայներով: Նախկինում եթե խմբակցության անդամները 14-ից ավելի էին, թույլատրվում էր ունենալ 4 փորձագետ: Ներկայում, եթե նախագիծն ընդունվի նաև երկրորդ ընթերցմամբ, խմբակցությունները ևս մեկ փորձագետ ունենալու հնարավորություն կստանան:
Հիշեցնենք, որ օրենսդրական նախաձեռնությունն ԱԺ էր ներկայացրել ԲՀԿ պատգամավոր Արման Աբովյանը, իսկ հիմնավորումը հետևյալն էր՝ «փորձագետները ֆիզիկապես չեն հասցնում այս ծավալի օրենքների շուրջ աշխատել»:
