Ազգային ժողովում քննարկվել է «Տարածքային կառավարման մասին» և կից ներկայացված օրենքների փաթեթն առաջին ընթերցմամբ ընդունելու հարցը: «Լուսավոր Հայաստան» խմբակցության պատգամավոր Անի Սամսոնյանը, ելույթ ունենալով ԱԺ ամբիոնից, հիշեցրել է կուսակցության դիրքորոշումը, որ պետք է ընդհանրապես վերացնել մարզպետի ինստիտուտը. «Այս միջնորդ օղակը միշտ մահակ է դարձել համայնքապետների գլխին»,- ասել է պատգամավորը: Նախագիծը խորհրդարան է ներկայացրել Կառավարությունը: Գործադիրն այս փաթեթով պատրաստվում է համայնքների մասնագիտական և իրավական հսկողության մեխանիզմները մարզպետարանների դաշտից տեղափոխել նախարարություն:
