Միացյալ Նահանգների նախագահը հայտարարել է, որ երկրում իրականացվել է ատոմային զենքի ամբողջական արդիականացում: Սպիտակ տան ղեկավարն ակնարկել է, որ ԱՄՆ-ը մտադիր է նոր զինատեսակներ ստեղծել՝ առանց մյուս պետությունների շահերը հաշվի առնելու:
«Մենք ունենք նորագույն ռազմական սարքավորումներ, որոնց մասին տեղեկությունը չենք հրապարակում: Դրանց մասին ոչ ոք երբևէ չի լսել: Մենք ունենք այնպիսի զենք, որն, Աստված չանի, ստիպված լինենք կիրառել»,-հայտարարել է նախագահ Թրամփը:
Հիշեցնենք, որ Պենտագոնը պնդում է, թե Ռուսաստանն ու Չինաստանը սպառնալիք են ԱՄՆ-ի համար հատկապես տիեզերական ոլորտում: Այս ֆոնին Վաշինգտոնը մտադիր է հզորացնել հակատիեզերական պաշտպանության ուժերը:
