Հրդեհ է բռնկվել հունական Լեսբոս կղզու փախստականների ճամբարում: Մեկ կին է մահացել, չճշտված տվյալով՝ նաև մեկ երեխա: Հրդեհը ճամբարում խռովությունների պատճառ է դարձել, կարգուկանոն հաստատելու համար ոստիկանությունն արցունքաբեր գազ է կիրառել: Կղզու «Մորիա» ճամբարում, 3 հազարի փոխարեն, վրաններում և ծովային բեռնարկղերում 12 հազար փախստական է ապրում: 2018 թվականին ՄԱԿ-ի փախստականների հարցերով գործակալությունը կոչ էր արել Հունաստանի իշխանություններին՝ փախստականներին տեղափոխել այլ կղզիներ: Մանավանդ, որ՝ գերբնակեցված ճամբարում շարունակվում է փախստականների հոսքը հարևան Թուրքիայից:
