«Սեպտեմբերի 24-ից հոկտեմբերի 5-ը Հայաստանում կանցկացվեն խոշոր զորավարժություններ»,- կառավարության նիստի ընթացքում հայտարարել է ՀՀ Պաշտպանության նախարար Դավիթ Տոնոյանը: Նախարարի խոսքով՝ նորմատիվ հրամանով հայտարարվելու է նաև պահեստազորայինների և տրանսպորտային միջոցների ներգրավման զորավարժություն: Տոնոյանը հավելել է, որ մարտական ուսումնական հավաքների մասնակիցների ընդամենը 6 տոկոսն է ընդգրկվելու 3-ից 5 օրով, իսկ մյուսները հավաքակայաններ են ներկայանալու միայն 1 օրով։
