Ժամը 20:00-ի դրությամբ Երևանի ստորաբաժանումներում բերման ենթարկվածներ չկան:
Վաղ առավոտից Նիկոլ Փաշինյանն իր համակիրների հետ շարունակել է բողոքի ակցիան: Նա պատռել է հավաքը դադարեցնելու մասին ոստիկանության որոշման ծանուցումը, ապա հավաքի մասնակիցների հետ փորձել փակել դեպի Ազգային ժողով տանող ճանապարհները: Այնուհետև ցուցարարները՝ Փաշինյանի կոչով, հերթով շրջափակել են կառավարական շենքերը, երեկոյան էլ հանրահավաք անցկացրել Երևանի Հանրապետության հրապարակում: Ըստ Ոստիկանության՝ 20:00-ի դրությամբ, Երևանի ստորաբաժանումներում բերման ենթարկվածներ չկան: