Լոս Անջելեսի «Բևեռլի Հիլթոն» հյուրանոցում հոբելյանական 75-րդ կինոմրցանակաբաշխությունն է անցկացրել «Ոսկե գլոբուս»-ը:
Լոս Անջելեսի «Բևեռլի Հիլթոն» հյուրանոցում հոբելյանական 75-րդ կինոմրցանակաբաշխությունն է անցկացրել «Ոսկե գլոբուս»-ը: 2017-ի լավագույն դրամատիկ ֆիլմ և լավագույն սցենար է ճանաչվել Մարտին ՄքԴոնախի «Երեք գովազդային վահանակ Էբինգի սահմանին, Միսուրի» կինոնկարը, որը պատմում է ոստիկանությունից իր դստեր մահվան դեպքի հետաքննությունը պահանջող մոր մասին: Լավագույն դրամատիկ դերասանուհի է ճանաչվել Ֆրենսիս ՄքԴորմանդը: Լավագույն դրամատիկ դերասանը Գարի Օլդմենն է, լավագույն ռեժիսորը՝ Գիլյերմո դել Տորոն՝ «Ջրի ձևը» ֆիլմի համար: Լավագույն հեռուստատեսային դերասանուհի և դերասան անվանակարգերում հաղթել են Նիկոլ Քիդմանը և Էվան ՄքԳրեգորը: Դերասանուհիներից շատերը եղել են սևազգեստ՝ ի նշան բողոքի՝ 2017-ին Հոլիվուդում ջրի երես դուրս եկած սեռական ոտնձգությունների մասին պատմությունների:
