Բագրատաշենի մաքսակետում ՊԵԿ աշխատակիցները Վրաստանից Հայաստան եկող մեքենայում հայտնաբերել են 21 կգ տարբեր տեսակի դեղորայք:
Կանխվել է մեծ քանակությամբ դեղորայքի՝ մաքսանենգ ճանապարհով ներկրման փորձ: Բագրատաշենի մաքսակետում ՊԵԿ աշխատակիցները Վրաստանից Հայաստան եկող մեքենայում հայտնաբերել են 21 կգ տարբեր տեսակի դեղորայք: Վարորդը նպատակ է ունեցել այն իրացնել Երևանի դեղատներում: Չհայտարարագրված դեղորայքի ևս մեկ խմբաքանակ հայտնաբերվել է Բավրայի մաքսակետում՝ մեքենայի բեռնախցիկից: Տարվա ընթացքում շատ են եղել հոգեմետ դեղերի ապօրինի տեղափոխման փորձերը: Իսկ անօրինական ճանապարհով ոչ հոգեմետ դեղամիջոցների ներկրման փորձերի զգալի մասը կանխվել է Բագրատաշենի անցակետում:
